Framlag framsóknarmanna til vanda heimila og fyrirtækja

Þá vitum við hvert framlag Framsóknarflokksins til vanda heimila og fyrirtækja í landinu er. Lausnin felst í því að berjast fyrir herbergi flokksins á Alþingi til margra ára. Mikið getur alþýða landsins nú verið framsókn þakklát fyrir framlagið til betra samfélags.

Kærar þakkir Framsóknarflokkur fyrir að leggja ykkar að mörkum til betra samfélags.

JB

Þeir sitja sem fastast

Athugasemdir

[Axel Jóhann Hallgrímsson, 22.5.2009 kl. 12:28]

[Einar Skúlason (IP-tala skráð) 22.5.2009 kl. 12:31]

Sæll Jóhann

Ég var að skrifa grein um málið á Pressuna. 

Aðstöðumál eru innanhússmál á þingi, snýst ekkert um pólitík. Það að við viljum hafa áhrif á vinnuaðstöðuna okkar snýst ekkert um hvaða vinnu við leggjum í pólitískar áherslur. 

Það gildir það sama um Vinstri græna þingmenn. Þeir vilja ekki skrifstofuaðstöðuna sem Alþingi úthlutaði þeim í gamla Morgunblaðshúsinu við Aðalstræti. Viltu ekki nota tækifærið og þakka þeim líka fyrir að leggja sitt af mörkum til betra samfélags?

Annars sjáumst við vonandi við tækifæri,

kveðja,

Einar Skúla 

[Ingibjörg Friðriksdóttir, 22.5.2009 kl. 12:47]

Ég mun aldrei gleyma Framsókn, þar sem þeir stóðu á móti dreifðri eignaraðild að bönkunum. ´Þeirra sýn (að fá kjölfestufjárfesta) hefur sett allt þjóðfélagið á annan endann.

Ef ég mætti ráða, myndi ég láta þá fá aðstöðu  á biðbekkjunum í gamla Kaupþingbanka, þar sem þeir fengju frítt kaffi, sem minnir meira á ógeðisdrykk en kaffi.

[Einar Skúlason (IP-tala skráð) 22.5.2009 kl. 13:29]

Ingibjörg, það er ekki rétt hjá þér að framsóknarmenn hafi staðið á móti dreifðri eignaraðild í bönkunum. Það kom t.d. fram í fréttaskýringum Morgunblaðsins í vor um einkavæðingu Landsbankans að það var Sjálfstæðisflokkurinn sem krafðist þess að fallið yrði frá markmiðum um dreifða eignaraðild.

[DoctorE (IP-tala skráð) 22.5.2009 kl. 13:38]

Framsókn... hver kýs þetta bull eiginlega

[Hjörtur J. Guðmundsson, 22.5.2009 kl. 15:05]

Það eru einmitt framsóknarmenn á þingi m.a. sem eru að gagnrýna ríkisstjórn vinstriflokkanna fyrir að gera ekki neitt í vanda heimilanna og efnahagslífsins almennt. Það eru engin mál á dagskrá vorþingsins af hálfu ríkisstjórnarinnar sem varðar þau mál. Ríkisstjórnin er ekkert að gera.

[Ingibjörg Friðriksdóttir, 22.5.2009 kl. 15:26]

Enar Skúlason, þú hlýtur að vera í afneitun eða er Valgerður Sverrisdóttir fyrrverandi viðskipta og bankamálaráðherra ekki í Framsóknarflokknum.  Hversu oft mátti maður þola að sjá hana og heyra tala fyrir kjölfestufjárfestu þegar talað var um dreifða eignaraðild?  Þú ert kannski bara að grínast?

Og Hjörtur, það er alveg rétt hjá þér Framsóknarmenn gagnrýna og gagnrýna, en mitt mat er það að þeir ættu að ..... ...... og skammast sín.   Þú fyrirgefur þó að ég geti ekki beitt kjaryrtri íslensku á síðu hins vandaða manns sem Jóhann Björnsson er.

Ríkisstjórnin er vissulega að reyna af veikum mætti að taka til eftir hina siðspiltu stjórnmálamenn sem hafa verið við völd allt of lengi og á ég þá við Sjálfstæðis og Framsóknarflokk.  Samfylkingin hefðu betur séð fyrr hvað var að gerast, hlustað á varnaðarorð formanns VG.  

 En úr því sem komið er ætti fólk að gefa þeim sem nú eru við völd, tækifæri og tíma til að rétta við þjóðarskútuna og komast að því hvað það var sem olli þessum gífurlegu vandræðum sem þurfum að takast á við.  Skyldi þó ekki vera að einhverjir forkólfar og stjórnmálamenn, fyrrverandi og jafnvel núverandi yrðu látnir sæta ábyrgð.

Það er allavega skoðun mín að ekki sé einleikið hvað t.d. Finnur Ingólfsson og fl. hefur náð að graðka til sín.

[Jón Tynes (IP-tala skráð) 22.5.2009 kl. 15:59]

Var það siðfræði í anda þessa bloggs þíns sem þú gerðir að umtalsefni á Hótel Borg um daginn. Lítilsvirða og gera grín af pólitískum andstæðingi. Herbergjamálið svokallaða er búið til að embættismanni á Alþingi. Það er síðan skrumskælt og notað til að reyna að gera pólitíska andstæðinga háðuglega. Og tókst nokkuð vel miðað við innihald málsins. Svona blogg eins og þitt hérna kalla fram viðbrögð sem mörg hver eru undir beltis högg, því það er vonlaust að svara þeim vitrænt.

Sem áhugamaður um siðfræði og vitræn hreinskiptin tjáskipt vonast ég til að sjá eitthvað merkilegra frá þér í framtíðinni.

Ég hef þá skoðun að allir sem tjá sig í bloggheimum beri ábyrgð á að þar sé iðkuð virðing fyrir náunganum, þótt maður sé ósammála.

Eins og ég skynja bloggheima um þessar mundir. Þá ber ég kvíðboga um framtíðina ekki bara fjárhagslega heldir einnig samfélagslega

Bestu kveður með ósk um góða helgi.

JAT  

[Ingibjörg Friðriksdóttir, 22.5.2009 kl. 16:16]

Hér sé stuð og hér sé friður.  Þetta er rétt hjá Jóni.  Jóhann skamm, skamm, ekki gera grín af lítilmagnanum. Þessi herbergi skipta menn meira máli en nokkuð annað, sem sagt þetta er „dauðans alvara“ 

Ég hélt nú að Framsóknarmenn væru húmoristar, allavega þeir semvið þekkjum Jóhann.  Það væri nú gaman að heyra hvað Jón Tynes segir annars annað gott, hvort hann hafi eitthvað að leggja til inn í umræðurna um að bjarga heimilunum.

[Jón Tynes (IP-tala skráð) 22.5.2009 kl. 21:05]

Ingibjörg.

Ekki hef ég hef ég á móti húmor. Án hans væri lífið dapurt.

Get alveg séð húmorinn í þessu máli. Allt í lagi með hann.

Skil hins vegar ekki að einfalt mál sé gert flókið af embættismanni Alþingis. Það var og er auðvelt að leysa þetta herbergjamál svo öllum líki ef vilji væri fyrir hendi. Embættismaðurinn virðist velja að nota ekki herbergi framkvæmdavaldsins í þágu þingsins.

Ég er alltaf svolítið skotinn í hefðum, svo framalega sem þær skaða ekki. Ég tek líka ofan fyrir þeim sem ekki láta vaða yfir sig.

Þú spyrð mig um hvað ég leggi til inn í umræðuna. Ég skal nefna nokkra punkta.

1. Hjálpa fólki til að halda virðingu sinni og bjartsýni.

2. Horfast í augu við raunveruleikann.

3. Leggja fram tímasetta aðgerðaráætlun lið fyrir lið. Áætlun sem gerir grein  fyrir hvaða verkefni eru stjórnvalda , félagssamtaka og einstaklinga.

4. Greinagóðar upplýsingar um hver staðan er hverju sinni og hvernig málin ganga.

Mér finnst líka ágætir punktar sem þú skrifar á heimasíðu þinni í dag.  Fyrirgefning er fallegt viðhorf græðandi og uppbyggjandi.

En virðing og umhyggja er nauðsynleg og svo auðvitað með góðum húmor.

Kv.JAT

[Ingibjörg Friðriksdóttir, 23.5.2009 kl. 12:41]

Sæll Jón,

Ég er ekki bara svolítð skotin í hefðum, ég er nostalgía dauðans, það vita þeir sem þekkja mig, en þetta með herbergjamálið skil ég ekki. Við skulum heimfæra þetta á heimilin, þegar barnið er lítið, fær það herbergi næst pabba og mömmu, ef ekki bara sama herbergi, svo breytast þarfirnar þegar þau eldast og þau fara jafnvel í kjallarann (ef aðstæður eru fyrir hendi)  Þannig á það að vera á Alþingi, Mæta þorfum en ekki einhverjum hjákátlegum hefðum sem ekki geta staðist.  Það leit út fyrir að Framsóknarflokkurinn hyrfi af sjónarsviðinu og hvað þá?

Takk fyrir að bregðast við áskorun minni og ég er þér að mörgu leyti sammála og tel að ríkisstjórnin sé að vinna af heilindum og í þágu almennings sem ekki er hægt að segja um frá, fráfarandi stjórn og á ég þá við Framsókn og Sjálfstæðisflokk, minn flokkur Samfylking brást einnig, en það tel ég vera vegna vanþekkingar á því sem áður hafði gerst, en það sem sá flokkur endurspeglar að mestu mitt gildismat, þá styð ég hann áfram.  En ég þarf ekki að spara pláss á veraldarvefnum og þar sem síðueigandi hefur ekki nú þegar kastað mér út af vinalistanum mun ég reyna að svara þér lið fyrir lið eins og þú númerar þína  ágætu punkta.

1. Hjálpa fólki til að halda virðingu sinni og bjartsýni.

Mér finnst það vera í höndum fjölskyldnanna og einstaklinganna sjálfra að viðhalda virðingu sinni og bjartsýni.  Hvorki Guð né ríkisstjórnin geta innrætt fullorðnu fólki sjálfsvirðingu.  Mér finnt ríkisstjórnin vera að skapa þær aðstæður að við getum verið bjartsýn um ástandið eigi eftir að batna.

2. Horfast í augu við raunveruleikann.

Ég er sannfærð um að ríkisstjórnin mun einhenda sér í að upplýsa okkur um leið og hún sjálf veit hver raunveruleikinn er.  Það er verið að rannsaka hvað gerist, hversvegna og hvað sé til brags að taka.

3. Leggja fram tímasetta aðgerðaráætlun lið fyrir lið. Áætlun sem gerir grein  fyrir hvaða verkefni eru stjórnvalda , félagssamtaka og einstaklinga.

Nú segi ég bara Kæri Jón, Til hvers að fara að ljúga einhverju að okkur, er það svona Eiturlyfjalaust Ísland árið 2000 eða 12.000 ný störf á næstu tveim árum (flest voru þau fyrir farandverkamenn)

Við heimfærum þetta líka á heimilin, því á stjórnarheimilinu er enginn munur og heima hjá þér og mér.  Ef fyrirvinnur heimilanna missa vinnuna og vita ekki hvort það verður viðvarandi eður ei, þá dagsetur maður engin plön, maður grípur til neyðaraðgerða, til þess að komast af. Einn dag í einu og ráðlegg ég þeim sem í þessu lenda að fara í 12 spora vinnu. Ríkisstjórnin getur ekki með góðri samvisku planlagt fram í tímann, það eru neyðarúrræði sem verður gripið til, lækka laun, hækka skatta, skera niður o.s.frv.  Hversu stórtækt þetta verður veit nú engin, við verðum bara að sýna æðruleysi.

4. Greinagóðar upplýsingar um hver staðan er hverju sinni og hvernig málin ganga.

Ég er ekki alveg viss um að það þjóni hagsmunum okkar að vita nákvæmlega hver staðan er hverju sinni, en ég er sammála um það að við eigum að fá að vita að mestu hver staðan er og hvað þessar elskur eru að bardúsa og hver staðan sé.

Takk fyrir hlý orð í minn garð, ég er að mestu alin upp af frábæru Framsóknarfólki og ég segi það með hönd á hjarta að það fólk er að mínu viti það besta í heimi, þá á ég við afa, ömmu, Pálma og síðan samveran við systkinabörn við mig í sveitinni sem þekkt eru af Framsóknarmennsku sinni.  Gildismat, heiðarleiki, svo ég tali ekki um húmor er fábær og þeim myndi ég treysta fyrir stjórnarheimilinu, en því miður eru bara ekki allir Framsóknarmenn eins.  Gamli SÍS frændi er dauður og eitthvað ferlega miður hefur gerst á síðustu árum, þar sem bræðralag, jöfnuður og heiðarleiki hefur verið fyrir borð borinn.

Jæja Jón, mér þykir leitt að þú sért ekki með heimasíðu, þá kæmi ég og kvittaði fyrir, en þakka Jóhanni fyrir umburðarlyndið og þér fyrir samskiptin. 

Vonandi verður þú bara Vinstri grænn eða kemur í Samfylkinguna með mér og styður núverandi ríkisstjórn í þeirra erfiðu stöðu.  Allavega þurfa gerendurnir að fá frí.