Mér er alveg skítsama þó þetta sé "bara hundraðkall á ári"

Ég var að fá reikning frá Vodafone (fyrirtækinu sem beitir unglinga vísvitandi blekkingum í auglýsingamennsku sinni og greint var frá hér á síðunni fyrir einhverju síðan). Þetta var nú bara lítill reikningur þannig séð sem á rætur sínar að rekja frá símaskránni "Já" þar sem rukkað var fyrir aukanafn í símaskrá. Reikningurinn hljóðaði upp á kr. 626,51 og seðilgjald upp á 80.32 og virðisaukaskatt upp á 173,17 samtals 880 kr.

Allt í góðu enn sem komið er. Ég fæ þennan reikning á pappír sem útskýrir væntanlega seðilgjaldið. Nema hvað, ég fæ sama reikninginn sendan rafrænt í heimabankann og greiði hann þar. Ef reikningurinn hefði aðeins  verið sendur rafrænt þá hefði ég væntanlega sloppið við þetta seðilgjald enda enginn seðill í gangi. Svo ég hringi (enda verð ég einstaklega geðstirður þegar ég heyri orðin "símafyrirtæki", "banki" og "tryggingafélag") og spyr hvernig standi á því að mér sé send tvennslags rukkun fyrir sama hlutinn. Stúlkan sem varð fyrir svörum sagði að þetta væri bara svona. Og ég spurði frekar hversvegna það væri verið að senda þetta rafrænt ef það væri sendur bréflegur reikningur. Og svarið var að fyrirtækið "Já" vildi þetta. Og þá spurði ég hvort ekki væri mögulegt að fá reikninga framvegis aðeins rafrænt og sleppa seðilgjaldinu. Nei það er ekki hægt af því að þeir (það er að segja "Já" fyrirtækið) vilja að þetta sé sent bæði rafrænt og bréflega. Ha segi ég, get ég þá alls ekki losnað undan þessu seðilgjaldi? Nei þetta er nú bara hundraðkall á ári sagði stúlkan. Og þá sagði ég að þetta væri tæplega hundraðkall og mér væri bara skítsama þó þetta væri bara hundraðkall, ég væri gjarnan til í að nota þennan hundraðkall í eitthvað annað heldur en símafyrirtæki.

Þannig eru svona fyrirtæki endalaust að kroppa í budduna hjá manni. Er ekki hægt að stoppa þetta smáaurakropp vitandi það að margt smátt gerir á endanum eitt stórt þó stúlkan á símanum hjá Vodafone hafi verið þjálfuð í að láta viðskiptavinina trúa því að þetta sé "nú bara ógeðslega lítið"?

JB

 

 

Athugasemdir

[Sigmar Magnússon (IP-tala skráð) 23.6.2009 kl. 20:33]

Afhverju ert þú að væla yfir Vodafone vegna reiknings frá ja.is?

Og mikið vildi ég óska þess að ég hefði svo lítið að gera að ég gæti eytt tíma mínum í svona pistla um nákvæmlega ekki neitt

[Einar Guðjónsson, 24.6.2009 kl. 00:59]

Þetta snýst auðvitað um prinsippið. Vitlausir reikningar og óleiðréttir símareikningar ásamt seðilgjöldum eru auðvitað hreinn hagnaður og fljótt að verða að stórum upphæðum í hagnað hjá neytendafjandsamlegum risafyrirtækjum.Þau treysta einmitt á andvaraleysi fólks eins og Sigmars Magnússonar.Þarna er komin 100 kall sinnum 10.000. kúnnar sama og milljón extra fyrir enga þjónustu og brot á lögum því óheimilt er að rukka seðilgjöld.Í tilfelli Vodafone eru þetta 6. millur sem eru hafðar af kúnnunum aukalega.

[Sigmar Magnússon (IP-tala skráð) 24.6.2009 kl. 02:53]

Finnst þér semsagt eðlilegra að Vodafone greiði fyrir útsenda seðla vegna reikninga frá ja.is?

Þessi reikningur sem hann er að kvarta yfir er ekki lrangur að mér sýnist.. og 80 kr er nú varla langt frá raunkostnaði við það að gefa út og senda reikning að ég held,eða hvað?

Seðilgjöld eru þess utan ekki ólögleg í tilfellum sem þessum, getur lesið þér nánar til um hvers vegna hér:

http://www.ns.is/ns/modules/100/print.aspx?id=289682&ownertype=1&ownerid=7679&position=0

í öðru lagi er hér um að ræða rukkun sem ja.is er að rukka fyrir skráningar í símaskrá, þeir hinsvegar hafa ekki og eiga ekki að hafa upplýsingar um það hver er rétthafi og þar með greiðandi númeranna þessvega fer þetta í gegnum símafyrirtækið, fyrir hönd ja.is

Ég get ímyndað mér að ástæða þess að þeir vilja senda seðla heim til fólks sé sú að þessi reikningur kemur einfaldlega það sjaldan að ef fólk sæi þetta bara birtast skyndilega í heimabönkum fólks þá myndi það hafa í för með sér einn meira óhagræði vegna þess að fólk þyrfti eitthvert að beina fyrirspurnum sínum vegna þessara skyndilegu reikninga

Ég vann hjá "hinu" símafyrirtækiinu fyrir ekki svo löngu og ég get sagt þér að þar glóa allar línur á hverju ári þegar þessir reikningar koma, fólk að gera athugasemdir og var það reglulegur viðburður að láta öskra nokkrum sinnum á sig ónotum og svívirðingum vegna þessara reikninga - ég get því alveg fullvissað ykkur báða um það að hvorki Vodafone, Síminn eða önnur símafyrirtæki eru að koma út í einhverjum gróða vegna seðilgjalda sem innheimt eru fyrir hönd þriðja fyrirtækis

Þvert á móti veldur þetta starfsmönnum óþægindum og hefur í för með sér aukakostnað vegna þess að á meðan verið er að þjónustu þá sem eru ósáttir við þessa reikninga er ekki veirð að þjónusta kúnna vegna þjónustu sem fyrirtækin selja sjálf

[Bjöggi (IP-tala skráð) 24.6.2009 kl. 15:20]

Sko, Vodafone veit ekki hvort að þú sért með heimabanka eða ekki, fyrirtækið verður að senda þér seðil heim nema þú  biðjir sérstaklega um annað. Málið er að allar kröfur sem eru skráðar á þína kennitölu lenda sjálfkrafa inni í heimabankanum þínum, Reiknistofa bankanna sér um það. Svo senda fyrirtækin seðla heim til fólks og flest rukka fyrir það, sum bjóða upp á að þú afþakkir seðlana, en í sumum tilvikum er það ekki hægt og jafnvel reglur sem segja til um að það verði að senda útprentanir til viðskiptavina. 

Þannig að, Vodafone sendi þér ekki rukkunina rafrænt, reiknistofa bankanna gerði það, Vodafone má ekki hnýsast fyrir um það að fyrra bragði hvort að þú sért með heimabanka og notir hann, þú verður að gefa þær upplýsingar sjálfur af fyrra bragði. Fyrirtækjum er því skylt að senda þér rukkun í pósti, nema þú biðjir um annað, og í mörgum tilvikum er það ekki hægt. Bönkum og fjármálstofnunum er t.d. skylt smkv. lögum að senda ákveðin yfirlit á ári og greiðsluseðla fyrir ákveðnum skuldum, það hlýst kostnaður af þessu sem bankarnir rukka viðskiptavini um.