Tinni í Kongó hefur verið notuð í nokkur ár í fordómafræðslu á meðal unglinga hér á landi

Það kom mér ekkert sérstaklega á óvart að sjá fréttina um fordóma Tinna í Kongó. Tinni hefur lengi verið ein af mínum uppáhaldskarakterum bókmenntanna og hefur reynst mér afskaplega vel þegar ég kenni unglingum. Tinnabækurnar geyma margt sem gaman er að taka upp í umræðum í heimspeki og siðfræði og hefur Kongóævintýri Tinna þar verið í fararbroddi.

Í nokkur ár hef ég á undirbúningsnámskeiði fyrir borgaralega fermingu lagt fyrir þátttakendur nokkrar myndir úr umræddri bók sem hafa síðan verið rökræddar. Spurt hefur verið hvort um fordóma sé að ræða eða bara góða brandara eða kannski fordómafulla brandara. Ekki hafa allir verið á einu máli, en eitt er víst að flestir hafa haft skoðun á málinu.

Hvað sem líður meintum fordómum Tinna þá hefur hann að minnsta kosti þjónað þeim tilgangi að fá unga fólkið til þess að velta vöngum.

JB

Tinni í Kongó of fordómafullur

Athugasemdir

[Óskar Helgi Helgason (IP-tala skráð) 13.7.2007 kl. 15:03]

Heill og sæll, Jóhann !

Tinnabækurnar voru mín uppáhaldslesning, á árunum 1971 - 1978, á eftir Íslendingasögum, eða fram á unglingsár. Ótrúlegt; varðandi Tinna í Kongó, mér sýnist sem þú sért einn þeirra, hverjir fylgja vilja straum almenningsálitsins;; þ.e.a.s., Tinni í Kongó er dæmigerð lýsing á heimsku svarta mannsins; og þar með líka hins hvíta.

Spurning, hvort þú upplýsir ekki, á námskeiðum þínum; yfirburði gula mannsins, greindarfarslega, segi og skrifa,, án allra hleypidóma Jóhann minn, að þá stöndum við hvítir, sem og svartir og brúnir þeim gulu langt að baki, a.m.k. í hugvísindum.

Á móti koma yfirburðir svarta mannsins, í allflestum greinum íþrótta, þótt svo hvítir og brúnir sýni líka góða spretti víða. 

Er þetta ekki mannfræðileg staðreynd ? Hygg, að ég sé ekki langt frá því. Verum við sjálfir Jóhann, og segjum kost og löst, kinnroðalaust, á íbúum jarðarkringlunnar, hræsnin er ekki nema til tjóns.

Óskandi, að þessi tegund manna (núverandi) sem byggir þessa jörð fari að þroskast til betri vegar, almennt; óháð litarafti. Líkur eru þó á, að einhver árþúsund líði unz svo verði.

Með beztu kveðjum / Óskar Helgi Helgason   

[Sigríður Sigurðardóttir, 14.7.2007 kl. 11:19]

  Dýrkaði Tinna og Kolbein kaftein í bernsku og á unglingsárum.  Brilliant húmor.  Las aldrei neina fordóma út úr þeim bókum, aðeins grín.  Myljandi grín.  En kannski hafa hin "fordómafullu" skilaboð verið of dulin fyrir barnslega hugsun mína, eða of augljós fyrir unglinginn, til þess að ég þyrfti að fara út í einhverjar pælingar um slíkt.  Naut bara lesningannar.  Í öllum sínum einfaldleika! Og þannig held ég að börn og ungt fólk lesi oft bækur.  Það eru oft fullorðnir sem fara að rýna og lesa eitthvað "fordómafullt" sem þarf að varast, í barna- og unglingabókum!  Gera einföld mál flókin.   Í versta falli endurspegla þessar bækur iðulega  tíðarandann í hinum ýmsu þjóðfélögum, á ýmsum tímum.  En ekki þar með sagt að rithöfundar séu viljandi að reyna að kynda undir fordómum og kynþáttahatri.  Er nóg til af slíku samt, en ég man ekki eftir að hafa lesið slíka bók á bernsku- eða unglingsárum mínum.

  En ég viðurkenni reyndar, að ég hef aldrei verið snjöll að lesa "duldar meiningar" í sögubókum eða ljóðum, þó ég lesi mikið.  Var í bévítans vandræðum með að túlka "Sonartorrek" Egils í menntó hér í den......

[Óskar Helgi Helgason (IP-tala skráð) 14.7.2007 kl. 13:53]

Heill og sæll, Jóhann og skrifararnir !

Jón Grétar ! Jú, jú....... marga andans menn, hefir Evrópa af sér fædda; en, Kínverjar - Kóreumenn og Japanir voru, fyrir árþúsundum komnir með ýmsa snjalla, fram á sjónarsvið; löngu áður en nokkur siðmenning tók að þróast, hér í álfu.

Þakka þér, að öðru; viðbrögð þín.

Með beztu kveðjum / Óskar Helgi Helgason