Það væri ömurlegt ef maður þyrfti að fara að standa í því að bjarga mannslífi

Mansrí nokkur frá Alsír sem vill ólmur búa á Íslandi hefur verið í hungurverkfalli að undanförnu. Í Morgunblaðinu á föstudaginn kom  fram að drifið var í því að láta karlinn skrifa undir plagg þar sem hann lýsir því yfir að hann vilji ekki neina aðstoð missi hann meðvitund. Rætt var við Hauk nokkur forstjóra Útlendingastofnunar í blaðinu um málefni Mansrí. Haukur þessi virðist vera nokkuð svalur náungi sem kallar ekki allt ömmu sína. í vðtalinu segir Haukur hinn ofursvali m.a.:

"En ef menn ætla að svelta sig í hel og vilja ekki aðstoð er eins gott að það sé alveg á hreinu."

Djöfull er hann kúl karlinn. Já það er kannski bara alveg rétt hjá honum að gefa það svona sterklega í skyn að maður lætur ekki þau mistök henda sig að fara að bjarga einhverjum útlendingum frá því að svelta sig í hel. Ef Haukur okkar myndi nú klikka á undirskriftunum hjá mannskapnum sem er á þessu mótþróaskeiði og er alltaf að svelta sig þá þyrfti að fara að kalla til lækni og kannski sjúkrabíl og það yrði bara bölvað vesen. Er nokkuð hægt að standa í einhverjum svona skáta eða miskunasamasamverjaleik. Við höfum jú alveg nóg með okkur svo vitnað sé í annan snilling ofan af Akranesi (nefni engin nöfn).

JB

Athugasemdir

[Ragnhildur Kolka, 3.5.2009 kl. 20:03]

Hvaða æsingur er þetta. Er ekki sjálfsagt að leyfa manninum að taka sínar eigin ákvarðanir?

[Jóhann Björnsson, 3.5.2009 kl. 21:11]

Enginn æsingur, allir spakir

[Katrín Linda Óskarsdóttir, 4.5.2009 kl. 03:19]

Ef þessi maður vill svelta sig í hel þá verður hann bara að fá að gera það, hans ákvörðun. Auðvitað ber honum að skrifa undir plagg um að þetta sé hans eigin ákvörðun og allt hafi verið gert til að reyna að snúa honum og láta hann skipta um skoðun. Eins gott að hafa það á hreinu svo við verðum ekki úthrópuð sem "skrímsli" ofan á allt annað sem á okkur dynur :)

[Ármann Hákon (IP-tala skráð) 4.5.2009 kl. 09:21]

Mér sýnist sem svo að við séum einmitt að hegða okkur eins og skrímsli í þessu máli "En ef menn ætla að svelta sig í hel og vilja ekki aðstoð er eins gott að það sé alveg á hreinu." Manneskjan er að mótmæla með þessu athæfi sýnu. Tilgangur hennar er ekki að drepa sig heldur að ná fram réttlæti og breytingu. Hún notar friðsamlegar aðferðir, er ekki að ráðast á neinn og auðvitað á að kalla á sjúkrabíl ef hún missir meðvitund. Það segir mikið um okkur ef við gerum það ekki.

[Þórhallur (IP-tala skráð) 4.5.2009 kl. 14:35]

Vá!  Það vantar ekkert uppá hin mjúku kvennlegu gildi hér.  Nei það er eins gott að þetta er bara útlendigur sem vill ekki borða því þá þurfum við ekki að vera með samvisku bit.

 Er hægt að fara með svona plagg á stofnun fyrir anorexiu-sjúklinga og láta þá kvitta líka? Mætti spara hellings peining þar í leiðinni.

[magnus (IP-tala skráð) 13.5.2009 kl. 20:50]

Langaði að vekja athygli ykkar á því að Mansri Hichem fékk þetta fína heilbrigðisvottorð í gærkvöld, hann er sem sagt við ágæta heilsu að sögn læknisins sem skoðaði hann. Góðar fréttir, en merkilegar miðað við svona algjört svelti vikum saman.

 Hérna getið þið lesið ykkur til.

 http://visir.is/article/20090513/FRETTIR01/245308328