Já góðan dag, get ég fengið að tala við grafarvogsguðleysingja? Nei hann er upptekinn en þú getur fengið að tala við vesturbæjarvotta eða miðbæjarmúslima.

Á meðan lygararnir hjá Vódafóne hugsa næsta leik í því hvernig best sé að blekkja börnin (sbr. færslu mína hér á undan) þá getum við hin hringt í borgina og fengið að tala við nýja starfsmenn borgarinnar sem eru þeir félagar vesturbæjarvotti, ásatrúarárbæingur, breiðholtsbahái, miðbæjarmúslimi og grafarvogsguðleysingi að ógleymdum honum Þorvaldi Víðissyni miðbæjarpresti.

Það bárust nefnilega fréttir af því í gær að borgin ætlar að halda áfram að hafa trúboða í starfi í miðbænum til þess að leysa ófremdarástandið sem ríkir í miðbænum eins og sagt var í fréttinni. Nú ætlar borgin aðeins að greiða fyrir hálfa stöðu en hálf staða þýðir aðeins 4,6 milljónir af almannafé. Nú er ég alveg hissa á því hvers vegna ekki eru bara ráðnir margir prestar í miðbæinn fyrst þetta er lausnin á hinum margumrædda vanda miðbæjarins. Nú hvað með að leysa vanda allra hverfa með áðurnefndum vesturbæjarvotta sem myndi sérhæfa sig í vanda vesturbæjar, ásatrúarárbæingnum sem myndi passa upp á að ekki væri stolist ofan í árbæjarlaug að næturlagi, svo myndi garafarvogsguðleysinginn passa upp á Grafarvoginn og breiðholtsbahaíinn sjá til þess að breiðhyltingar færu snemma að sofa. Miðbjærmúsliminn yrði síðan Þorvaldi Víðissyni til halds og trausts í miðbænum þar sem þeir gætu passað upp á að fólk væri ekki að míga og skíta á gangstéttarnar.

Þetta er frábært og að ég held það eina góða sem borgarráð hefur gert á kjörtímabilinu. Og að lokum kærar þakkir á geðsjúklingurinn skilið sem fattaði upp á trúarbrögðunum því þau eiga eflaust eftir að leysa allan vanda borgarinnar.

Ég er svo glaður yfir þessu framtaki.

JB

Athugasemdir

[Jón Steinar Ragnarsson, 21.9.2008 kl. 18:17]

Þvílíkur farsi.

[Jón Steinar Ragnarsson, 21.9.2008 kl. 18:25]

Annars óskylt þessu þá gladdi það mig er ég var að borða morgunkornið mitt og lesa á mjólkurfenuna, eins og maður gerir stundum. Þar var þetta bréfkorn frá litlum dreng:

"Ég er strákur og 12 ára. Reyndar eru flestir aðrir í bekknum líka 12 ára. Ég og vinir mínir æfum babminton, fyrir mér er það bara upp á gamanið.  Ég er mikið fyrir nettölvuleiki og kynnist þannig krökkum frá öðrum löndum.

En eitt get ég sagt ykkur: Lífið er ekki eins og tölvuleikur, ef ég dey, lifna ég ekki við á öðrum stað. Ef ég fæ leið á lífinu, get ég ekki gert nýjan kall eins og í tölvuleikjum.

Þú átt aðeins eitt líf og njóttu þess."

Kannski er mannkyni við bjargandi í þessum málum eftir allt. Hugsaði ég með mér.

[Júrí (IP-tala skráð) 30.9.2008 kl. 19:49]

Þú átt reyndar eilíft líf !

En það þarf trú á Jesú til að njóta þess !!!!