Ekki er nú gott að vera í félagsskap manna sem eru blóðugir upp fyrir axlir

Eftirfarandi ályktun er frá Samtökum hernaðarandstæðinga.

Samtök hernaðarandstæðinga mótmæla fyrirhuguðum heræfingum NATO-ríkjanna Noregs, Danmerkur, Bandaríkjanna, Lettlands og Íslands sem ætlunin er að halda dagana 13. til 16. ágúst næstkomandi. Ekkert réttlætir misnotkun á íslensku landi og íslenskri land- og lofthelgi til æfinga í meðferð drápstóla. Ekkert réttlætir heldur misnotkun á íslensku almannafé – 45 milljónum króna - til að borga undir slíkt.

Ísland, sem menn vilja á tyllidögum kalla herlaust land, ætti að sjá sóma sinn í því að hafna hvers kyns hernaðarbrölti. Því er það grátlegt að Ísland skuli þess í stað ýta undir það með því að bjóða hingað til æfinga herjum erlendra ríkja, þar á meðal Bandaríkjaher sem er blóðugur upp fyrir axlir vegna þátttöku sinnar í hverju siðlausu stríðinu á fætur öðru.

Æfingar af þessum toga eru ekki aðeins aðferð herveldanna til að þjálfa herlið sitt heldur einnig til að staðfesta áhrifasvæði sitt, berast á gagnvart hugsanlegum andstæðingum og jafnvel ögra þeim. Þeim fylgir mengun, ónæði og hætta. Þær staðfesta hlutverk Íslands sem lítils NATO-peðs sem Bandaríkjamenn geta treyst á að styðji allt hernaðarbrölt
sem þeir taka sér fyrir hendur.

Sjá nánar http://fridur.is

Athugasemdir

[Baldur Fjölnisson, 28.7.2007 kl. 23:20]

Vel mælt en þeir mættu nú grafast fyrir um ástæður hernaðarbröltsins og hollywoodsjó sem eru sett á svið til að ljúga það af stað.

[Haukur Kristinsson, 29.7.2007 kl. 00:34]

hvernig hefði seinni heimstyrjöldin endað  ef margir þínum líkum hefði verið við völd? bara vera hlutlausir og leyfa morðóðum klikkhausum að vaða yfir evrópu? ættir aðeins að tékka á sögunni og blogga svo, þetta getur gerst aftur

[Baldur Fjölnisson, 29.7.2007 kl. 00:53]

Wall Street mokaði peningum í Hitler og Standard Oil gerði honum í raun kleift að heyja styrjöldina með því að láta honum í té tækni til að vinna olíu úr kolum. Stríð verður aðeins háð með orku eins og þú hlýturskilja. Einfeldningslega söguskýringar kjána á borð við Davíð Oddsson og aðra álíka og þá sem heilaþvoðu hann duga ekki.  

[Þórir Hrafn Gunnarsson, 29.7.2007 kl. 01:41]

Haukur:

Hefði margir líkir Jóhanni bloggara verið við völd þá hefði seinni heimstyrjöldin sennilega orðið ansi stutt... þar sem enginn hefði farið í stríð.

Helsta vandamálið við evrópu á tímum seinni heimstyrjaldar var klárlega ekki skortur á stríðsæsingarmönnum.

Kveðjur :)

[Baldur Fjölnisson, 29.7.2007 kl. 02:31]

Það er náttúrlega ekki sérlega gæfulegt að vera í slagtogi við þá sem eru með allt niður um sig í stríðum sem eru login af stað á fölskum forsendum. Hver utanríkisráðherrann af öðrum hefur því hrökklast úr embætti við lítinn orðstír á síðustu misserum. Af einhverjum ástæðum hafa þeir allir reynt að búa til ævintýri um sérstakan vinskap við ráðamenn í Bandaríkunum. Sem sjálfsagt hefur aukið veltuhraða þeirra. Kannski hafa þeir bara verið með spinndoktora sem voru enn vitlausari en þeir sjálfir. Það er ekki gott að segja.